Бүсийн олимпиадын бүртгэл, анхаарах зүйлс
II давааны I шатанд бүсийн эрх олгох онооны зааг дээр оноо тэнцсэн бөгөөд бүсийн олимпиадын эрх аваагүй багш, сурагчдын хувьд аймаг нь дотоод шалгаруулалт зохион байгуулж өөрийн квотдоо багтаан эрх олгох боломжтой. Энэ тохиолдолд аймгийн олимпиад зохион байгуулагчийн зүгээс шалгарсан сурагчдын нэрс бүхий албан тоот явуулж сурагчдаа бүртгүүлнэ.
Сүүлийн засвар: 2025-02-15, Нийтэлсэн: 2025-02-15
EGMO-2025 Сонгон шалгаруулалт явагдаж дууслаа
EGMO-2025 сонгон шалгаруулалтанд нийт 48 эмэгтэй сурагчид оролцсоноос 2 удаагийн сонгон шалгаруулалт болон нэмэлт шалгаруулалтын дүнгээр дараах сурагчид шалгарлаа.
1. Наранбаатарын Болор (Эрдмийн Хишиг) 48 оноо,
2. Анхбаярын Мишээл (Орчлон) 37 оноо,
3. Бандийн Оюунбилиг (Хархорин ЕБ-ын Гүнзгий сургууль) 36 оноо,
4. Алтангэрэлийн Ану (11-р сургууль) 35 оноо
2025 оны 4-р сарын 11-17-ны хооронд Косово улсын Приштина хотод зохиогдох Европын Охидын Математикийн Олимпиадад Монгол улсыг төлөөлж оролцох охидууддаа болон багш, эцэг, эх нарт нь халуун баяр хүргэе.
Сүүлийн засвар: 2025-02-13, Нийтэлсэн: 2025-02-13
II давааны I шатны дүн
II давааны I шатны дүн болон дараагийн даваанд оролцох эрхийг дүрмийн дагуу тооцож гаргалаа.
Жич. СБД-ийн D ангиллалд 14 оноотой 24 сурагч байсан нь 20 сурагчийн квотыг давахаар байсан тул хорооны гишүүд ярилцаад хотын эрх олгохоор шийдлээ.
Мөн хотын жагсаалтын квотыг цаашид хэрхэн олгох асуудлыг ирэх жилийн журманд тусгахаар боллоо. Та бүхэн санал хүсэлтээ идэвхитэй ирүүлээрэй.
Сүүлийн засвар: 2025-02-10, Нийтэлсэн: 2025-02-10
Аймаг, дүүргийн олимпиадын дүн, дараагийн шатны эрх олголтын тухай
II давааны I шат буюу аймаг, дүүргийн олимпиадын дүн болон багш, сурагчдын материалыг нийтэд ил тод байршуулах ажил үндсэндээ дуусаж, дараагийн шатны эрх олгох ажил хүлээгдэж байна. Олимпиадын дүнг 2-р сарын 10-ны өдөр албан ёсоор зарлахаар төлөвлөсөн болно.
Нийслэлийн дүүргүүдийн хувьд сурагчдын материалыг онлайн байршуулах ажил 70 орчим хувьтай, нийт аймаг, дүүргийн хэмжээнд 50 орчим хувьтай хийгдээд байна. Энэ жил бүсийн жагсаалтыг албан ёсоор гаргаагүй тул аймгуудаас материалыг заавал ирүүлэх шаардлага тавиагүй. Мөн Сонгинохайрхан, Багануур, Багахангай, Налайх дүүргүүдээс дараагийн шатны эрх авах оролцогч гараагүй тул эдгээр дүүргийн сурагчдын материалыг илгээхийг шаардаагүй болно.
Гэсэн хэдий ч олимпиадын бүх үе шатыг ил тод, нээлттэй зохион байгуулах нь чухал тул бүх зохион байгуулагчид сурагчдын материалыг системд байршуулахыг анхаарах нь зүйтэй. Энэ нь олимпиадын шударга байдлыг хангахаас гадна оролцогчдод өөрсдийн алдаанаас суралцах боломжийг олгох чухал ач холбогдолтой юм.
Олимпиадын дүнг бүрэн гүйцэд системд оруулах нь дараа, дараагийн жилүүдийн бодлогын түвшинг оновчтой тогтоох, зохион байгуулалтын сайжруулалтыг хийх зэрэгт чухал үүрэгтэй. Гэвч зарим аймаг, дүүрэг нийт оролцогчдын дүнг ирүүлээгүй, оролцогчдын ID дугаарыг дутуу оруулсан зэрэг дутагдал гарсан байна. Энэ нь туршлага дутмаг, зохион байгуулалтын хангалтгүй байдлаас үүдэлтэй гэж үзэж болох юм.
Иймд улсын олимпиадад удаа дараа амжилттай оролцож, медаль хүртсэн туршлагатай багш нар өөрсдийн аймаг, дүүргийн олимпиадыг удирдан зохион байгуулахад идэвхтэй оролцохыг хорооны зүгээс уриалж байна. Мөн цаашид Улсын Математикийн Олимпиадын үеэр зохион байгуулагчдад зориулсан чиглүүлэх сургалтыг тогтмол явуулах нь зүйтэй гэж үзэж байна.
Олимпиадын засалтыг хорооны гаргасан дүгнэх аргачлалын дагуу хийх ёстой. Гэсэн хэдий ч зарим аймаг, дүүрэгт энэ тал дээр алдаа дутагдал гарсан тухай мэдээлэл ирсэн. Тиймээс цаашид үнэлгээний нэгдсэн аргачлалыг илүү нарийн мөрдөж ажиллах нь чухал байна. Хэдий тийм боловч олимпиадын материал зассан багш нар өөрсдийн мэдлэг чадвараа дайчлан, шударгаар үнэлгээ хийсэн гэдэгт хорооны зүгээс итгэлтэй байна. Алдаа дутагдлыг багасгахын тулд бид цаашид ч хяналтаа сайжруулан ажиллах болно.
Нийт оролцогчдод дараагийн олимпиаддаа өндөр амжилт гаргахыг хүсэн ерөөе!
Сүүлийн засвар: 2025-02-09, Нийтэлсэн: 2025-02-09
II давааны I шатны дүн гаргах тухай
Аймаг дүүргүүдээс дүн ирүүлсэн байдлыг харгалзан II давааны I шатны дүнг 2-р сарын 8-ны өдөр эцэслэн гаргахаар тогтлоо.
Аймгуудын хувьд улс болон бүсийн олимпиадад оролцох эрх авсан багш, сурагчдын ID-г ирүүлээгүй тохиолдолд тухайн оролцогчид эрх олгох боломжгүй. Дутуу мэдээллээ 2-р сарын 7-ны дотор tsogzolmaa@smcs.num.edu.mn хаягаар ирүүлнэ үү.
Дүүргүүдийн хувьд УБ хотын нэгдсэн жагсаалт гаргах тул оноо авсан сурагчдын материалын зурагтай линкээ baysa.edu@gmail.com хаягаар ирүүлнэ үү. Линк ирүүлээгүй тохиолдолд тухайн дүүргийн багш сурагчдыг УБ хотын жагсаалтад оруулахгүй ба зөвхөн дүүргийн квотоор эрх олгоно.
Сүүлийн засвар: 2025-02-04, Нийтэлсэн: 2025-02-04
Багш сурагчдын бодолтын материал, системд орсон дүнгийн талаар
II давааны I шатны дүнг 2-р сарын 1-ны өдөр эцэслэн гаргаж Бүс, Хот, Улсын эрхийг олгох тул дүнгээ дутуу ирүүлсэн аймаг, дүүргүүд 1-р сарын 31-ны дотор нөхөж ирүүлнэ үү. /2025-01-27/
II давааны I шатанд оролцсон багш сурагчдын материал. 1 буюу түүнээс дээш оноо авсан оролцогчдын материалаа ирүүлсэн аймгуудын дүнг системд оруулж баталгаажуулна.
Зохион байгуулагчид олимпиадын дүнгээ baysa.edu@gmail.com хаягаар дараах загварын дагуу ирүүлнэ үү. ID-гүй багш сурагчдын дүнг системд оруулах боломжгүй тул нэмж системд оруулах дүнгээ зөвхөн дараах загвараар ирүүлээрэй. Бусад тохиолдолд системд дүнг оруулах боломжгүй болохыг анхаар. Зөвхөн системд дүн орсон, материал нь онлайнд тавигдсан багш, сурагчдын дараагийн даваанд оролцох эрх баталгаажина.
Оролцогчдын материалыг дараах линкүүдээр орж харж болно.
Хэнтий аймаг C (5-6) D(7-8) E(9-10) F(11-12) S(ББ) Т(ДБ)
Сүүлийн засвар: 2025-01-27, Нийтэлсэн: 2025-01-17
Сонгон шалгаруулалтад урьж байна.
Европын Охидын Математикийн 14-р Олимпиад 2025 оны 4 дүгээр сарын 11-17 өдрүүдэд Косово улсын Приштина хотод зохион байгуулагдана. Монгол улсаа төлөөлөн оролцох 4 охиныг дүрмийн дагуу 2 удаагийн сонгон шалгаруулах сорилоор шалгаруулж авна.
I сорил 1 сарын 25-26 өдрүүдэд
II сорил 2 сарын 8-9 өдрүүдэд
явагдана. Сорилд ММО-ын II давааны I шат буюу аймаг/дүүргийн олимпиадад E эсвэл F ангилалд оролцож ядаж 1 оноо авсан эмэгтэй сурагч оролцож болно. Сорил Улаанбаатар хотод танхимаар зохион байгуулагдана.
Сонгон шалгаруулах сорилд оролцох хүсэлтэй сурагчид дараах формоор бүртгүүлнэ үү. Бүртгэл 1 сарын 22-ны өдөр дуустал явагдана.
Сүүлийн засвар: 2025-01-08, Нийтэлсэн: 2025-01-08
Олимпиадын мэдээ
II давааны I шатын дүнг нэгтгэх ажил сурагчдын I улиралын амралтаас шалтгаалан (зохион байгуулагчид амарсан гэх мэт) хойшлогдоод байна.Сурагчдын I улирлын амралт дууссаны дараа нэгдсэн дүнг яаралтай гаргаж дараагийн шатанд шалгарсан багш сурагчдын нэрсийг зарлана. Дүнгээ ирүүлээгүй, дутуу ирүүлсэн аймаг, дүүргүүд нэн даруй зааврын дагуу дүнгээ ирүүлнэ үү. Системд дүн оруулсан эх файлууд-аас аймаг, дүүргүүдээс ирүүлсэн дүнг харна уу. Шаардлагатай тохиолдолд эдгээр файлд ID нэмээд baysa.edu@gmail.com хаягаар ирүүлээрэй. ID-гүй тохиолдолд өөрөө шинээр системд бүртгүүлэх, эсвэл сургуулийн бүртгэлийн ажилтандаа хандаж болно!
Бүсийн математикийн олимпиадыг дараах аймгууд зохион байгуулахаар болов.
1. Баруун бүр Увс аймаг
2. Говийн бүс Өвөрхангай аймаг
3. Төвийн бүс Хөвсгөл аймаг
4. Зүүн бүс Сүхбаатар аймаг
Сүүлийн засвар: 2025-01-08, Нийтэлсэн: 2025-01-08
II давааны I шатны мэдээлэл
II давааны I шат буюу аймаг, дүүргийн олимпиадад оролцогчид, нийт зохион байгуулагчдад амжилт хүсье.
Зохион байгуулагчид олимпиадын дүнгээ baysa.edu@gmail.com хаягаар дараах загварын дагуу ирүүлээрэй.
Олимпиадын тухайн өдрийн бодолт дууссаны дараа дүгнэх аргачлалыг энд мэдээнд нэмж оруулна!
I өдрийн бодолт дүгнэх аргачлал
II өдрийн бодолт дүгнэх аргачлал
Мөн зөвхөн оноо авсан сурагчдын материалыг google drive-д нийтэд харагдахаар байршуулж линкийг нь baysa.edu@gmail.com хаягаар ирүүлж сурагчдынхаа дүнг баталгаажуулна.
Сүүлийн засвар: 2024-12-14, Нийтэлсэн: 2024-12-14
II давааны I шатанд оролцох сурагчдын нэрс
Дараах жагсаалт зөвхөн ММОХ-д нэрсээ ирүүлсэн аймгуудын жагсаалт болохыг анхаарна уу! Аймаг, дүүрэг бүр ММОХ-ноос гарсан ерөнхий удирдамжийг баримжаа болгон өөр, өөрсдийн удирдамжийг харъяа сургуулиудад тараасан тул аймаг, дүүргийнхээ удирдамжийн дагуу олимпиаддаа оролцоорой.
Сүүлийн засвар: 2024-12-13, Нийтэлсэн: 2024-12-13
II давааны I шат
12 сарын 14, 15 өдрүүдэд Монголын Математикийн Олимпиадын II давааны I шат буюу аймаг/дүүргийн олимпиад зохион байгуулагдана. Олимпиад C, D, E, F, S, T ангилалаар явагдах ба журмын дагуу C, D, E, F ангилалд оролцох эрхийг I даваанаас олгоно, харин S, T ангилалд шаардлага хангасан багш нар оролцоно. Аймаг дүүргээс жагсаалтаар оролцох эрхийг mmo.mn сайт дээр зарласан байгаа ба сургуулиас оролцох эрхийг аймаг дүүргийн зохион байгуулах комиссийн шийдвэрийн дагуу сургуулиуд олгоно.
Олимпиадын
C ангилал 1 өдөр: 12/14
D ангилал 1 өдөр: 12/15
E, F, S, T ангилал 2 өдөр: 12/14, 12/15
зохион байгуулагдах ба олимпиад өглөө УБ цагаар 9:00 цагт эхлэх тул оролцогчид 8:30 цагт бодолтын танхимд суудлаа эзэлсэн байх шаардлагатай.
II давааны I шатнаас II давааны II шат буюу бүс/хотын олимпиадад оролцох эрх болон III даваа буюу улсын олимпиадад оролцох эрхийг журмын дагуу олгоно. Аймаг/дүүргүүд дараагийн шатанд оролцохоор шалгарсан оролцогчдын материалыг ямар нэг google drive-д байршуулан baysa.edu@gmail.com хаягаар илгээнэ үү. Материалуудыг олон нийтэд ил тавьснаар дараагийн даваанд оролцох эрх баталгаажих болохыг анхаарна уу.
Нийт оролцогчдодоо амжилт хүсье!


Сүүлийн засвар: 2024-12-03, Нийтэлсэн: 2024-12-03
I давааны дүн
ММО-61-ийн I даваа орон даяр өргөн дэлгэр зохион байгуулагдаж өнөөдөр дүнгээ та бүхэнд танилцуулж байна. Олимпиадын I даваанд аймагтаа эхний 30 байрт, дүүрэгт эхний 50 байрт шалгарсан сурагчид II шатны I даваа буюу аймаг, дүүргийн олимпиадад оролцоно. Яг 30 болон 50 дугаар байрт байгаа сурагчтай ижил оноотой сурагчдын хувьд аймаг, дүүргийн олимпиадыг зохион байгуулагч II давааны I шатанд оролцох эсэхийг шийдвэрлэнэ. Дэлгэрэнгүйг удирдамжаас үзнэ үү. II давааны I шат 12-р сарын 14, 15-ны өдрүүдэд зохион байгуулагдана.
Сүүлийн засвар: 2024-11-13, Нийтэлсэн: 2024-11-13
Ираны Геометрийн олимпиадын суудлын хуваарь
Сүүлийн засвар: 2024-10-17, Нийтэлсэн: 2024-10-17
Ираны Геометрийн олимпиадын бүртгэл
Бүртгэл 10-р сарын 14-ны байдлаар:
Бүртгэл 10-р сарын 16-ны өглөөний байдлаар:
Сүүлийн засвар: 2024-10-15, Нийтэлсэн: 2024-10-15
2024-2025 оны хичээлийн жилийн үйл ажиллагааны төлөвлөгөө
Нийт математик сонирхогчид, математикийн олимпиадыг дэмжигч багш, сурагч, эцэг эхчүүддээ 2024-2025 оны хичээлийн шинэ жилийн баярын мэнд дэвшүүлье!
Бид жил бүр зохион байгуулдаг олимпиад сонирхогч багш, эцэг эхчүүдтэй хийх уулзалтаа 9-р сарын 18-ны өдөр 18:30-20:00 цагт онлайнаар зохион байгуулахаар төлөвлөж байна.
Уулзалтаар жилийн төлөвлөгөө болон шинэчлэн баталсан олимпиад зохион байгуулах удирдамжийг танилцуулна. Та бүхэн өргөнөөр оролцож санал, сэтгэгдлээ хуваалцаарай.
Үйл ажиллагаа | Хаана | Эхлэх | Дуусах | Ангилал | |||||
ММО I даваа | Сургууль | 10/28/2024 | C | D | E | F | |||
ММО II даваа I шат | Аймаг/дүүрэг | 12/14/2024 | 12/15/2024 | C | D | E | F | S | T |
ММО II даваа II шат | Бүс/хот | 2/22/2025 | 2/23/2025 | D | E | F | S | T | |
MMO III даваа | Улаанбаатар | 4/1/2025 | 4/5/2025 | E | F | T | |||
Ираны Геометрийн Олимпиад | Улаанбаатар | 18/10/2024 | D | E | F | T | |||
Ази-Номхон Далайн Математикийн Олимпиад | Улаанбаатар | 3/11/2025 | F | ||||||
EGMO сонгон шалгаруулах сорил 1 | Улаанбаатар | 1/25/2025 | 1/26/2025 | E | F | ||||
EGMO сонгон шалгаруулах сорил 2 | Улаанбаатар | 2/8/2025 | 2/9/2025 | E | F | ||||
Европын Охидын Математикийн Олимпиад | Косово | 4/11/2025 | 4/17/2025 | F | |||||
IMO сонгон шалгаруулах сорил 1 | Улаанбаатар | 3/22/2025 | 3/23/2025 | F | |||||
IMO сонгон шалгаруулах сорил 2 (III даваа F) | Улаанбаатар | 4/2/2025 | 4/3/2025 | F | |||||
IMO сонгон шалгаруулах сорил 3 | Улаанбаатар | 4/26/2025 | 4/27/2025 | F | |||||
Олон Улсын Математикийн Олимпиад | Австрали | 7/10/2025 | 7/20/2025 | F | |||||
Олон улсын олимпиадын бэлтгэл 1 | Улаанбаатар | 12/16/2024 | 3/28/2025 | E | F | ||||
Олон улсын олимпиадын бэлтгэл 2 | Улаанбаатар | 4/21/2025 | 6/13/2025 | E | F | ||||
Олон Улсын Математикийн Зуны Сургалт | Хятад | TBA | F |
*TBA = тодорхой болоогүй байгаа, *амралтын өдрүүдийг ногоон өнгөөр тэмдэглэв
Сүүлийн засвар: 2024-09-02, Нийтэлсэн: 2024-09-02
EGMO II сорилын дүн, бодлого хамгаалалт
EGMO II сорилын урьдчилсан дүн гарлаа. Бодлого хамгаалалт 2-р сарын 12-ны Лхагва гарагийн 15 цагаас МУИС-ын 1-р байрны 317 тоотод болно.
Дүгнэх аргачлалыг бодлогууд хэсэгт орууллаа.
Бодлого хамгаалах сурагчид дүгнэх аргачлалын аль заалтын дагуу оноо авна гэдгээ тодорхой бичиж олимпиадын нэмэлт материал оруулах линкээр илгээнэ үү. Хүсэлтийг 2-р сарын 11-ны өдрийн 20 цаг хүртэл авна.
Сүүлийн засвар: 2025-02-11, Нийтэлсэн: 2025-02-11
EGMO I сорилын дүн, бодлого хамгаалалт
EGMO I сорилын урьдчилсан дүн гарлаа. Бодлого хамгаалалт 1-р сарын 30-ны Пүрэв гарагийн 14 цагаас МУИС-ын 1-р байрны 130 тоотод болно.
Дүгнэх аргачлалыг бодлогууд хэсэгт орууллаа.
Бодлого хамгаалах сурагчид дүгнэх аргачлалын аль заалтын дагуу оноо авна гэдгээ тодорхой бичиж олимпиадын нэмэлт материал оруулах линкээр илгээнэ үү. Хүсэлтийг 1-р сарын 29-ны өдрийн 20 цаг хүртэл авна.
Сүүлийн засвар: 2025-01-28, Нийтэлсэн: 2025-01-28
EGMO сонгон шалгаруулалт
Код | Овог | Нэр | Сургууль |
12469 | Дэлгэрдалай | Азжаргал | 11-р сургууль |
4052 | Мөнхбаяр | Амин-Эрдэнэ | Шинэ Үе |
5256 | Алтангэрэл | Ану | 11 |
351 | Даваа | Ану | Олонлог төв |
12528 | Анхбаяр | Ану | Шинэ Монгол |
60752 | Гантөмөр | Анударь | Билэгт Өргөө |
12938 | Чинзориг | Анхлан | 11-р сургууль |
34063 | Анхбаяр | Анхцэцэг | ШУТИС-ын харьяа ДУА дахь ЕБАС |
150277 | Нэргүй | Батдулам | Номундалай |
14754 | Мэндсайхан | Баярмаа | Шинэ-Үе |
6135 | Наранбаатар | Болор | Эрдмийн Хишиг |
12605 | Батчулуун | Ботахангуа | Сант |
70754 | Элбэгсайхан | Буянзаяа | Дорнод, 8р сургууль |
15628 | Пүрэвдорж | Бялхамбилэг | Төгс Алгоритм |
17844 | Азжаргал | Гоомарал | Шинэ Монгол Харүмафүжи |
33273 | Цэрэннэмэх | Гэгээ | 22 |
55821 | Отгонтөгс | Дөлгөөн | Олонлог төв |
15805 | Төрмөнх | Жавхланзаяа | Төгс Алгоритм |
66469 | Жавхланбаатар | Жаргалмаа | ӨХ, Бат-өлзий ЕБС 2-р сургууль |
18016 | Бямбадагва | Маргад | Олонлог Академи |
125238 | Болод | Мичид | Дорноговь Замын Үүд 1 |
13673 | Баатархүү | Мичидмаа | Орчлон |
80924 | Эрдэнэбаатар | Мишээл | Орхон, 4-р сургууль |
981 | Анхбаяр | Мишээл | Орчлон |
55121 | Батболд | Мөнхжин | 44-р сургууль |
13166 | Энхболд | Мөнхзул | 65 |
92004 | Анхбаяр | Номин | Ирээдүй Цогцолбор |
12783 | Нямдаваа | Номин-Эрдэнэ | Оюуны ирээдүй сургууль |
62182 | Алтаншагай | Номунсайхан | Хобби |
176667 | Дөлгөөн | Нямхишиг | Ирээдүй цогцолбор |
83623 | Батболд | Онон | 84-р сургууль |
71985 | Банди | Оюунбилиг | Өвөрхангай ЕБ "Гүнзгий" |
20766 | Жавхлан | Сарнай | Шинэ Үе |
95039 | Ариунболд | Сарнай | НЕБ-ын 12-р сургууль |
126840 | Хүрэлтулга | Солонго | Орхон 4 |
71662 | Галбадрах | Сэрчмаа | 1 |
120531 | Батболд | Туул | 84 |
25383 | Наранмандах | Тэмүүлэн | Эрхэт-Эрдэм |
16211 | Даянцолмон | Удвал | Шинэ Монгол |
19260 | Бат-Эрдэнэ | Уранхишиг | Оюунлаг |
74212 | Алтанбагана | Хулан | Шинэ Монгол Харүмафүжи сургууль |
162082 | Анхбаяр | Хүслэн | Баянхонгор Номундалай |
25376 | Эрдэнэбилэг | Цахирмаа | Эрхэт-Эрдэм |
22651 | Бямбасүх | Цолмон | Орчлон |
13547 | Цэрэн | Цэлмэг | Боловсрол сургууль |
18842 | Төмөр-Очир | Цэцэнлхам | 11 |
99179 | Отгон | Шүрэн | Дархан, Оюуны ирээдүй |
19607 | Батбаяр | Эгшиглэн | 11 |
110813 | Адъяа | Эмүжин | МУИС-ийн лицей |
12464 | Түвшинбаяр | Энгүүн | Сант |
14153 | Гантулга | Энгүүн | 1-р сургууль |
27660 | Золтөгс | Энх-Уянга | НЕБ 21-р сургууль |
92904 | Ганбат | Энхжин | Ирээдүй |
6919 | Ганбилэг | Энхжин | Олонлог төв |
20222 | Эрдэнэбат | Энхжин | Эрдмийн сан |
13124 | Энхбаатар | Энхлэн | Шинэ монгол |
1313 | Гантөмөр | Энэрэл | 1 |
16979 | Мөнхжаргал | Энэрэл | Сант |
26019 | Эрдэнэлхам | Эрдэнэхишиг | 1 |
Сүүлийн засвар: 2025-01-23, Нийтэлсэн: 2025-01-23
Global Talent санхүүжилт
- Өвлийн ээлж: EGMO бэлтгэл
- Хаврын ээлж: IMO бэлтгэл
Сүүлийн засвар: 2024-11-27, Нийтэлсэн: 2024-11-27
Капитрон банк, Монголын математикийн олимпиадын хороотой хамтын ажиллагааны санамж бичиг байгууллаа
Хүүхэд, залуус математикийн шинжлэх ухаанд шимтэн суралцсанаар аливаа зүйлд бүтээлчээр хандаж, шийдэл гаргах чадвар нь илүү хөгжиж, олон улсад өрсөлдөхүйц түвшний боловсрол, ур чадвартай мэргэжилтнүүд болох боломж нь нэмэгддэг.
Капитрон банк нь нийгмийн хариуцлагын хүрээнд боловсролын салбарт тэр дундаа математикийн шинжлэх ухаанд хөрөнгө оруулалт хийхээр Монголын Математикийн Олимпиадын Хороотой хамтын ажиллагааны санамж бичиг байгууллаа.
Санамж бичигт Капитрон банкийг төлөөлж Гүйцэтгэх захирлын тэргүүн орлогч Б.Чандмань, Монголын Математикийн Олимпиадын Хороог төлөөлж Гүйцэтгэх захирал Ү.Отгонбаяр нар гарын үсэг зурлаа.
Энэхүү урт хугацааны хамтын ажиллагааны хүрээнд Капитрон банк нь ЕБС-ийн сурагчдад математикийн шинжлэх ухааныг сурталчлан таниулах, түгээн дэлгэрүүлэх, хөгжүүлэх, цаашлаад олон улсад өрсөлдөхүйц түвшний боловсрол, ур чадвартай мэргэшсэн боловсон хүчнийг бэлтгэхэд хамтран ажиллана.
Мөн Боловсролын яамнаас 2029 оны Олон улсын математикийн олимпиадыг Монгол Улсад зохион байгуулах хүсэлтээ албан ёсоор Олон улсын математикийн олимпиадын хороонд хүргүүлсэн бөгөөд үүний хүрээнд хийгдэх олон нэр хүндтэй бөгөөд хариуцлагатай ажлуудад Капитрон банк идэвхийлэн оролцохоо илэрхийллээ.
Ташрамд дурдахад, 100 жилийн түүхтэй Монгол Улсын банк, санхүүгийн салбарын 23 жилийн түүхийг хамтдаа бүтээлцэж буй Капитрон банк нь үүсэн байгуулагдсан цагаасаа эхлэн тогтвортой өсөлттэй хөгжиж, банкны системд эзлэх байр сууриа улам бүр бэхжүүлсээр байна.
Ухаалаг ирээдүйн зүгт - Капитрон банк
Сүүлийн засвар: 2024-11-25, Нийтэлсэн: 2024-11-25
Ираны геометрийн 12-р олимпиадын бодлого хамгаалалт
Бодлого хамгаалалт 2024 оны 11-р сарын 16-ны 16-18 цагийн хооронд МУИС 1-р байр 130 тоотод явагдана.
Бодлого хамгаалах хүсэлтийг 11 сарын 15-ны өдрийн 15 цаг хүртэл авна.
Хүсэлтийг mmo.mn сайтаар өөрийн эрхээр нэвтрэн орж тухайн бодлогын онооны үнэлгээний хэд дэх заалтаар хэдэн оноо нэмүүлэх хүсэлтэй байгаагаа тодорхой бичиж бодлого тус бүрээр оруулна. Бодлого хамгаалах хүсэлт илгээхийн өмнө заавал өөрийн багштайгаа зөвлөлдөхийг сануулж байна.
Хүсэлт явуулах линк.
Бодлогуудын дүгнэх аргалал:
Ираны геометрын олимпиадын бодлого хамгаалах хүсэлт авах хуудсанд асуудал үүссэн тул хүсэлтийг 11 сарын 15-ны 22:00 цаг хүртэл https://forms.gle/Lj2BjLNH86GevfsN8 гэсэн googleform хэлбэрээр авахаар боллоо. Та бүхэн өөрийн нэр, ID, утас, ангилал, бодлогын дугаар, онооны үнэлгээний хэд дэх заалтаар шалгуулах хүсэлтээ тодорхой бичиж ирүүлнэ үү. Хүсэлтийг бодлого тус бүр дээр гаргана.
Сүүлийн засвар: 2024-11-13, Нийтэлсэн: 2024-11-13
Ираны геометрийн 12-р олимпиадын дүн
Ираны геометрийн 12-р олимпиадын дүн гарлаа.
Бодлого хамгаалах талаар энэ линкээр орж үзнэ үү.
Жич: Энэ бол 1-ын даваатай холбоогүй!!
Сүүлийн засвар: 2024-11-13, Нийтэлсэн: 2024-11-13
Хариулт нөхөж оруулах тухай
Заавар ёсоор хариултыг 30-ны өдрийн 20 цагаас өмнө системд оруулах ёстой байсан ч маш олон сургуулиас дүн дутуу орсон гэсэн хүсэлт ирүүлж байна.
Бидний зүгээс ийм төрлийн хүсэлт ирсэн тохиолдолд имэйлээр хугацаандаа ирүүлсэн хариултыг нөхөж оруулж байна.
Имэйлээр ирүүлсэн хариулт дотор буруу ID бичиж ирүүлснээс шалтгаалан сурагчдын дүн солигдох зэрэг хүндрэл үүсдэг. Иймд имэйлээр ирүүлсэн хариултыг нөхөж оруулах хүсэлтийг 11-р сарын 3-ны өдрөөр таслаж байна.
Хүсэлт ирүүлэх хугацааг 11-р сарын 4-ны өдрийн 20:00 цаг болгон сунгалаа.
Зөвхөн 10-р сарын 30-ны 20 цагаас өмнө ирүүлсэн имэйлийг үндэслэн системд дүн оруулж байгааг анхаарна уу! Үүнээс хойш ирүүлсэн хүсэлтийг хүлээн авахгүй!
Сүүлийн засвар: 2024-11-03, Нийтэлсэн: 2024-11-03
Хариултыг хянах талаар
10-р сарын 30-ны 22 цагийн байдлаар бүх сургуулиуд хариултаа системд оруулсан байх ёстой. Цөөн сурагчтай сургуулиуд өөрсдийн хариултыг системд оруулахад харьцангүй хялбар тул зөвхөн олон сурагчтай сургуулиудын хариултыг ирүүлсэн хүсэлтийн дагуу файлаас системд орууллаа.
Файл уншуулахад сурагчдын ID хаягийг буруу бичих, файлын форматыг өөрчилснөөс хариулт зөрдөг гэх мэт алдаанууд гардаг тул дараа нь заавал хариултуудыг шалгаж үзэх шаардлагатай болдог юм. Иймд та бүхэн сурагчдынхаа хариултыг 31-ны өдрийн 18:00 цагаас өмнө дахин нэг шалгана уу! Алдааг системээс залруулах боломжгүй тохиолдолд baysa.edu@gmail.com хаягт хүсэлт явуулаарай.
Сүүлийн засвар: 2024-10-31, Нийтэлсэн: 2024-10-31
I давааны дүнгийн талаар
Монголын Математикийн 61-р Олимпиадын I даваа маш өргөн дэлгэр болж нийт 776 сургууль, 53 мянга гаран сурагч оролцлоо.
Үүнээс үүдэн бидний урьдчилан тооцоолоогүй техникийн саатал гарч хариулт оруулахад хүндрэл үүссэнд хүлцэл өчье.
Хүлээцтэй хандсан танд баярлалаа. Техникийн саатлыг арилгаснаар хариулт хүлээн авах систем 29-ны өдрөөс хойш хэвийн ажиллаж байна.
Одоогийн байдлаар С ангилалд 10515, D ангилалд 8524, E ангилалд 6140, F ангилалд 4907 сурагчийн хариулт системд ороод байгаа бөгөөд хариултыг өнөөдрийн 22 цаг хүртэл хүлээж авна.
Өнөөдөр 22 цагт БҮХ сургуулиуд хариултаа системд оруулж дууссаны дараа бид хариултуудыг баталгаажуулж эхлэх бөгөөд энэ долоо хоногтоо багтаан сурагчдын хариултыг баталгаажуулах ажлыг дуусгаад I давааны албан ёсны дүнгээ гаргахаар төлөвлөн ажиллаж байна. Идэвхтэй оролцсон бүх сургууль, багш, сурагчдадаа баярлалаа.
Сүүлийн засвар: 2024-10-30, Нийтэлсэн: 2024-10-30
Олимпиадын дүн илгээх тухай
Системийн ачааллаас үйлдэлтэйгээр хариулт оруулахад хүндрэл учирч байгаа тул дараах арга хэмжээг авч байна.
1. 10 сарын 29-ны өдрийн 13:00 цагт багтаан сургууль бүр сурагчдын хариултыг ексел хүснэгтэд шивж оруулан mmo61burtgel@gmail.com хаяг руу илгээнэ үү.
2. Ексел файл илгээсэн сургуулиуд 2024 оны 10 сарын 30-ны 22:00 цагт багтаан сурагчдын хариултыг ситемд оруулна уу.
Загвар файлыг эндээс татаарай.
Төвөг удсанд хүлцэл өчье. Хүлээцтэй хандаж байгаа танд баярлалаа.
Серверт зохих өөрчлөлт хийсний үр дүнд сурагчдын хариулт оруулах хэсэг хэвийн ажиллаж байна. Удахгүй сурагчдын хариултыг нэгдсэн байдлаар харуулах линк бэлдэж оруулна. 2024.10.29 17:42
Сургуулийн удирдлагын хэсгээс сурагчдын дүнг нэгдсэн байдлаар харах боломжтой боллоо. Та бүхэн өөрсдийн сургуулийн сурагчдын дүнг бүрэн зөв орсон эсэхийг нягтлаад шаардлагатай тохиолдолд хариултын хүснэгтийн сүүлийн баганыг ашиглан засвар оруулна уу!
Сүүлийн засвар: 2024-10-28, Нийтэлсэн: 2024-10-28
Мэдэгдэл
Эрхэм оролцогчид, эцэг эхчүүд болон багш нараа,
Урьдчилан тооцоолоогүй нөхцөл байдал үүссэн тул I давааны хариултуудыг системд оруулах ажилд саатал гарлаа. Хариултуудыг бүрэн оруулж дууссаны дараа I давааны эцсийн дүнг олон нийтэд зарлах болно.
Иймд та бүхэн хүлээцтэй байж, бидний гаргасан удирдамжийн дагуу хамтран ажиллана уу.
Үүссэн хүндрэлд хүлцэл өчье. Бид асуудлыг түргэн шуурхай шийдвэрлэх болно.
Математикийн Олимпиадын Хорооны Техникийн Алба
Сүүлийн засвар: 2024-10-28, Нийтэлсэн: 2024-10-28
61-р олимпиадын 1-ийн давааны талаар
Олимпиад 10-р сарын 28-ны өдрийн 10.00-12.30 цагт зохион байгуулагдана.
C, D ангилал 2 цаг,
E, F ангилал 2 цаг 30 минут
бодолт хийнэ.
Олимпиадын сэдвийг эндээс (зөвхөн сургуулийн эрхээр!) татаж болно. Бодлогуудыг 9.30-д нийтлэнэ.
Олимпиадын албан ёсны дүн 29-ны өдөр гарна. Өөрөөр хэлбэр олимпиад дууссанаас хойш 24 цагийн хугацаанд амжиж зохион байгуулагч багш нар сурагчдын хариултыг www.mmo.mn-д оруулна.
Шаардлагатай тохиолдолд www.mmo.mn-д удирдамж оруулах тул зохион байгуулагч багш нар мэдээллийг тогтмол шалгах шаардлагатай.
Сурагчдын бүртгэлийн имэйл ирээгүй гэсэн асуудал их гарч байна. I давааны хувьд сурагчид заавал өөрсдөө системд нэвтрэх шаардлагагүй тул нууц үг ирээгүй байсан ч олимпиадын I даваанд оролцоод явна. Цаашид имэйл хаягаа солиулаад нууц үг мартсан гэдгээр нууц үгээ солиод ашиглаж болно.
Сүүлийн засвар: 2024-10-28, Нийтэлсэн: 2024-10-28
Туршилтын имэйл
Олимпиадын сэдэв болон бусад материалыг системээс шууд татаж авахаар болсон тул туршилтын имэйл илгээхээ больсон болно. Сэдвийг зөвхөн сургуулийн хаягаар л нэвтэрсэн тохиолдолд татаж авч болох тул та бүхэн өөр, өөрсдийн хаягаар нэвтэрч байгаа эсэхээ дахин нэг шалгаарай.
Сэдэв хүлээн авах болон хариулт оруулах зааврыг тун удахгүй видео бичлэгээр оруулна.
I давааны хариултын хуудсыг системд хууллаа. Эндээс сэдэв болон бусад шаардлагатай мэдээллийг аваарай.
Техникийн шалтгааны улмаас туршилтын мэйлийг хойшлууллаа. Цагийг бэлэн болсон үед зарлана.
Туршилтын имэйлийг 27-ны ням гараг болгож хойшлууллаа.
Хариулт оруулах зааврыг мөн 27-нд оруулна.
Сүүлийн засвар: 2024-10-26, Нийтэлсэн: 2024-10-26
I давааны удирдамж
ММО-61-ийн I даваа 10-р сарын 28-ны өдөр зохион байгуулагдана. Зохион байгуулалттай холбоотой бүхий л асуудлыг энэ постонд нэмж бичих тул олимпиад дуустал энэ постыг тогтмол шалгахыг хүсье.
Бүртгэлтэй холбоотой асуудлуудаа 24-ны онлайн уулзалтаар үргэлжлүүлж шийдье.
Бүртгэлтэй холбоотой асуудлууд дуусаагүй байгаа, мөн онлайн уулзалтад олон тооны багш нэгэн зэрэг орж байгаа тул 25-ны 20 цагаас баруун бүс, говийн бүс, төвийн бүсийн багш нар, 21 цагаас үлдсэн багш нар онлайн хуралд оролцно уу.Сурагчдын хариултыг системд хэрхэн оруулах талаар видео заавар бэлдэж оруулахаар болсон тул багш нар түр хүлээнэ үү!
Сурагчдаа бүртгэх: www.mmo.mn/schools
Шинээр бүртгүүлэх сургуулиуд дараах бүртгэлийн анкетыг бөглөнө үү! Дээрх жагсаалтад байгаа сургуулиудыг дахин бүртгэхгүй!
Сургууль хариуцсан багш нарын бүртгэл
Сэдвийн нууцлал: Олимпиадын I давааг амжилттай зохион байгуулах үйл ажиллагаа нь цэвэр итгэлцэл дээр суурилж байгаа тул зохион байгуулагч багш нар ёс зүй, хариуцлагатай байж олимпиадын сэдвийг ямар нэг байдлаар задруулахгүй байх, сурагчдыг бие биеэнээсээ хуулахгүй байх нөхцөлийг бүрдүүлэх үүрэгтэй.
Хугацаа:
C, D ангилал 10:00-12:00, тус бүр 10 бодлого.
E, F ангилал 10:00-12:30, тус бүр 12 бодлого.
Зохион байгуулалт:
Сурагчид өөрсдийн сургууль дээр бодолт хийж хариултын хуудсан дээр бодлогын хариултыг бичнэ. Бодлогын хариу натурал тоо байхаар бодлогуудыг сонгох тул зөвхөн натурал тоон хариулт бичнэ.
Зохион байгуулагч багш нар хариултын хуудсыг хураан авч сурагчдынхаа хариултыг зааврын дагуу 24 цагийн дотор системд оруулна.
I давааны дүнг 10-р сарын 29-ны 14:00-д зарлана. /Дүн зарлагдсаны дараа сурагчдын оноо болон хариултыг дэлгэрэнгүй харах боломжтой болно/
II даваанд шалгарах:
Олимпиадын II даваанд шалгах сурагчдын квотын талаар олимпиадын удирдамжаас харна уу.
Зохион байгуулагч багш нарт зориулсан онлайн уулзалт:
2024.10.22, 20 цагаас: Бүртгэлийн талаар асуултад хариулж, тулгарч байгаа асуудлыг шийднэ.
2024.10.24, 20 цагаас: Сурагчдын хариултыг хэрхэн оруулах талаар сургалт орно.
Google meeting link: https://meet.google.com/yfg-rdxh-wyk
Сэдэв илгээх:
Олимпиадын сэдвийг www.mmo.mn/schools -д бүртгэлтэй хаягаар илгээнэ. Иймд сургууль бүр сэдэв хүлээн авах хаягаа зөв эсэхийг давхар шалгана уу. INBOX дүүрсэн зэрэг шалтгаанаар имэйл хүлээн авахгүй алдаа заадаг тул имэйл хэвийн хүлээн авч байгаа эсэхээ дахин нягтална уу!
Туршилтын имэйлийг 2024.10.26-ны 15:00 цагаас өмнө илгээх тул 15:00 цагаас өмнө туршилтын имэйлийг хүлээн аваагүй тохиолдолд baysa.edu@gmail.com-д имэйл бичиж мэдэгдээрэй.
Олимпиадын сэдвийг олимпиад эхлэхээс 30 минутын өмнө илгээнэ.
Олимпиадын хяналт:
Олимпиадын хяналтыг хөндлөнгийн сайн дурын хянагч нар гүйцэтгэнэ. Олимпиад зохион байгуулж байгаа сургууль бүр хөндлөнгийн хянагч нарт нээлттэй байж хянагч нарын зүй ёсны шаардлагыг биелүүлнэ. Хянагчид нь олимпиад зохион байгуулах үйл ажиллагаанд саад болохгүй байж шаардлагатай тохиолдолд ММОХ-д илтгэх хуудас бичнэ.
Сайн дурын хянагчаар бүртгүүлэх
Сайн дурын хянагч нар нь зөвхөн ММОХ-ын хуваарилсан сургуульд хяналтын үүрэг гүйцэтгэнэ.
Сүүлийн засвар: 2024-10-20, Нийтэлсэн: 2024-10-20
11 дэх удаагийн Ираны Геометрийн олимпиадын засалт
11 дэх удаагийн Ираны Геометрийн олимпиадын бодолт 2024 оны 10 сарын 18 ны өдөр 14:00-18:30 ийн хооронд явагдаж дууслаа. Засалтыг цаанаас ирсэн онооны үнэлгээний дагуу хийх юм. Одоогийн байдлаар засалт 10 сарын 26 орчимд хийгдэх төлөвтэй байна. Бодлого хамгаалалт хэзээ хийгдэхийг бид тухайн үед нь зарлах болно.
Анхаарал тавьсанд баярлалаа.
Сүүлийн засвар: 2024-10-19, Нийтэлсэн: 2024-10-19
Сургуулиудын бүртгэл хариуцсан багш нарын жагсаалт, бүртгэлийн заавар
Багш нарын жагсаалтыг эндээс харна уу. Жагсаалтад орсон багш нар имэйл хаягаа зөв ирүүлсэн тохиолдолд baysa.edu@gmail.com хаягнаас нэвтрэх нэр, нууц үг очсон байх ёстой. Хэрвээ жагсаалтад нэр орсон ч бүртгэлийн мэдээлэл очоогүй бол baysa.edu@gmail.com хаягаар холбогдоорой.
Сургуулиуд аймаг, дүүргийнхээ боловсролын газраар дамжуулан бүртгүүлнэ.
Нэлээд олон багш нарын имэйл алдаа зааж байгаа тул зөв бичсэн эсэхээ сайтар шалгана уу!
Бүртгэлийн мэргэжилтнүүд сурагчдаа нэмэх боломжтой болсон тул нэг даруй дээрх жагсаалтаас өөрийн мэдээллээ шалгаад системд нэвтэрч сурагчидаа зааврын дагуу бүртгэнэ үү.
Биднээс илгээсэн кодоор нэвтэрч чадаж байгаа тохиолдолд бүртгэлээ олимпиадаас 1 хоногийн өмнө гүйцээсэн байх ёстой. Ингэснээр сурагчид өөрсдийн бүртгэлийг хянах боломжтой болно.
Та энэ сургуулийг удирдах эрхгүй байна. Гэсэн алдаа зааж байгаа бол та www.mmo.mn сайтаас гараад манайхаас шинээр явуулсан имэйлд байгаа нэвтрэх нэр, нууц үгийг ашиглан нэвтэрнэ үү. Мөн https://www.mmo.mn/accounts/profile/ рүү орж ашиглах нөхцөлийг зөвшөөрөөрэй.
Сүүлийн засвар: 2024-10-18, Нийтэлсэн: 2024-10-10
2024-2025 оны хичээлийн жилд ММОХ-оос албан ёсоор зохион байгуулах математикийн олимпиадуудын удирдамж
2024-2025 оны хичээлийн жилд математикийн олимпиад зохион байгуулах удирдамж
2024-2025 оны хичээлийн жилд математикийн олимпиадад оролцох сурагчдыг бүртгэх удирдамж
Сүүлийн засвар: 2024-09-30, Нийтэлсэн: 2024-09-30