ММО-63, I даваа: урьдчилсан дүн гарлаа
ММО-63-ын I давааны (2026 оны 10-р сарын 28) урьдчилсан дүн системд гарлаа. Нийт 64,597 сурагчийн хариулт системд орсон байна (C 23,070, D 20,576, E 12,623, F 8,328).
Систем 10-р сарын 30 хүртэл зөвхөн зохион байгуулагчдад нээлттэй тул дүнг одоогоор mmo.mn-д нэвтэрсэн сургуулийн бүртгэгч багш, удирдлага харах боломжтой.
1. Дүн харах
Хуудасны дээд хэсгээс аймаг/дүүрэг, сургуулиа сонгож тухайн сургуулийн дүнг харна.
2. Системд орсон хариултыг шалгах
Сурагч бүрийн системд орсон хариултыг C, D, E, F ангиллын хариултын хуудаснаас аймаг/дүүрэг, сургуулиа сонгож харна. Сурагчдын эх хариултын хуудастай тулгаж шалгана уу. «---» гэсэн нь хариулт ороогүй (хоосон) нүд.
Зөрүү илэрвэл: сургуулийн хуудаснаас тухайн ангиллын загвар файлыг татаж, засаж дахин «Системд хуулах» товчоор оруулна, эсвэл сурагчийн ID, бодлогын дугаар, зөв хариултыг бичиж registration@mmo.mn хаягаар ирүүлнэ үү.
3. Анхаарах
- Энэ нь урьдчилсан дүн. Сургуулиудын засвар, тодруулгыг тусгаж эцсийн дүнг гаргана.
- Сурагчийн хариултыг өөр ангиллын файлд оруулсан, эсвэл сурагчийн ID буруу бичсэн тохиолдол илэрсэн бөгөөд холбогдох сургуулиудад имэйлээр тодруулга авч байна.
- «0» гэж бичсэн хариултыг систем хариултгүй гэж тооцдог. Энэ жилийн бүх бодлогын хариулт натурал тоо.
Хүндэтгэсэн,
Монголын Математикийн Олимпиадын Хороо
Сүүлийн засвар: 2026-10-30, Нийтэлсэн: 2026-10-30