Монголын Математикийн Олимпиадын Хороо

Үйлчилгээний нөхцөл

Сүүлд шинэчилсэн: 2026-09-30

mmo.mn системийг ашигласнаар та дараах нөхцөлийг хүлээн зөвшөөрнө.

1. Бүртгэл

• Бүртгэлийн мэдээлэл (нэр, сургууль, анги, имэйл) үнэн зөв байх ёстой. Олимпиадын эрх, батламж энэ мэдээлэлд үндэслэнэ.
• Нэг хүн нэг л бүртгэлтэй байна. Давхардсан бүртгэлийг нэгтгэх эсвэл устгаж болно.
• Нууц үгээ бусдад дамжуулахгүй байх нь таны үүрэг. Таны бүртгэлээр хийгдсэн үйлдлийг та хийсэнд тооцно.
• 16 нас хүрээгүй сурагчийг эцэг эх, асран хамгаалагч эсвэл сургуулийн багш бүртгэж болно.

2. Олимпиадын дүрэм

• Олимпиадын үеэр бусдаас тусламж авах, хуулах, бодлогыг тараах нь хориотой.
• Дүрэм зөрчсөн нь тогтоогдвол ММОХ тухайн оролцогчийн дүнг хүчингүй болгож, дараагийн шатны эрхийг цуцалж болно.
• Олимпиад дуусахаас өмнө бодлогыг нийтлэх, хуваалцахыг хориглоно.

3. Эрх бүхий хэрэглэгчид

Сургуулийн бүртгэгч багш, удирдлага, аймаг/дүүргийн админ нь бусдын хувийн мэдээлэлд хандах эрхтэй. Энэ мэдээллийг зөвхөн олимпиад зохион байгуулах албан хэрэгцээнд ашиглах бөгөөд гуравдагч этгээдэд дамжуулах, хуулбарлан тараах, өөр зорилгоор ашиглахыг хориглоно. Зөрчил гарвал эрхийг нь хасна.

4. Дүн ба нийтлэл

Олимпиадын дүн, шагналтны нэр, сургууль, анги нийтэд ил харагдана. Бодлого, бодолтын оюуны өмч ММОХ-нд хамаарна; сургалтын зорилгоор эх сурвалжийг заан ашиглаж болно.

5. Хариуцлагын хязгаар

Систем тасралтгүй ажиллахыг зорьдог боловч техникийн доголдлоос үүдэх хохирлыг ММОХ хариуцахгүй. Онлайн олимпиадын үеэр доголдол гарвал ММОХ хугацааг сунгах, дахин зохион байгуулах шийдвэр гаргана.

6. Өөрчлөлт

Нөхцөлд өөрчлөлт орвол энэ хуудсанд нийтэлнэ. Асуулт байвал: baysa@mmo.mn

Нууцлалын бодлого • Бидний тухай