Сургуулийн бүртгэлтэй холбоотой асуудлыг registration@mmo.mn хаягаар хүлээн авна
Сургуулийн бүртгэлтэй холбоотой бүх асуудлыг цаашид registration@mmo.mn хаягаар хүлээн авна. Үүнд:
- бүртгэгч багш солих, томилох;
- багш, сурагчийн бүртгэл, сургуульд элсэх хүсэлт;
- сургууль, анги, ангиллын мэдээллийн зөрүү, өмнөх жилүүдийн бүртгэлийн залруулга;
- сайтад нэвтрэх, нууц үг сэргээхтэй холбоотой асуудал.
Шинээр бүртгүүлэх сургуулиуд
Сайтад одоогоор бүртгэлгүй сургууль registration@mmo.mn хаягаар доорх мэдээллийг ирүүлнэ. Имэйлийн гарчигт «Шинэ сургууль – [аймаг/дүүрэг], [сургуулийн нэр]» гэж бичнэ үү.
- Сургуулийн мэдээлэл: албан ёсны бүтэн нэр, түгээмэл хэрэглэгддэг товч нэр (хэрэв өөр нэр, хуучин нэртэй бол түүнийг), аймаг/дүүрэг, сум/хороо.
- Сургуулийн удирдлага (менежер): овог, нэр, албан тушаал, имэйл хаяг, утасны дугаар.
- Бүртгэгч багш: овог, нэр, имэйл хаяг, утасны дугаар, mmo.mn-д бүртгэлтэй бол хэрэглэгчийн ID.
- Оролцох ангиллууд: олимпиадад сурагчдаа оролцуулах ангиллууд (анги), сурагчдын ойролцоо тоо.
- Баталгаажуулалт: имэйлийг сургуулийн албан ёсны эсвэл удирдлагын имэйл хаягаас илгээх, боломжгүй бол бүртгэгч багшийг томилсон тухай удирдлагын гарын үсэгтэй албан бичгийн зургийг хавсаргана.
Мэдээллийг шалгаж сургуулийг системд нэмсний дараа менежер, бүртгэгч багшийн нэвтрэх эрхийг имэйлээр мэдэгдэнэ. Сургуулийн нэр, хаягийн мэдээллийг дараа нь сургуулийн самбарын «Мэдээлэл засах» хэсгээс засах боломжтой.
Имэйлдээ сургуулийн нэр, аймаг/дүүрэг, холбогдох хэрэглэгчийн ID-г заавал бичнэ үү. Бусад асуудлаар baysa@mmo.mn хаягаар холбогдоно уу.
Сүүлийн засвар: 2026-10-06, Нийтэлсэн: 2026-10-06