Монголын Математикийн Олимпиадын Хороо

Ангилал: E, F, T

Оролцогчийн тангараг

Монгол улсын ЕБС-ийн сурагч би / багш би / комиссийн гишүүн би / зохион байгуулагч би нөхөрсөг харилцааг эрхэмлэж өөрийн оюун чадвараа дайчлан Улсын Математикийн 63-р олимпиадад ёс зүйтэй, үнэнч шударга оролцохоо тангараглаж байна.

Хэрхэн оролцох

1. III даваа буюу улсын олимпиадыг E, F, T ангиллуудаар зохион байгуулна.
2. Улсын олимпиад зохион байгуулах хүсэлтийг хороо хүлээн авч батална. Зохион байгуулах ажлын хэсгийг зохион байгуулагч болон хороо хамтран томилно.
3. Энэ шатлалд II давааны I шат, II давааны II шатнаас эрх авсан багш, сурагчид оролцоно (аймгаас E/F/T тус бүр 2, дүүргээс тус бүр 2, бүсээс E/F 2 T 1, нийслэлээс E/F 20 T 6).
4. Зохион байгуулагчийн зүгээс хүсэлт гаргавал 6 хүртэлх хүнтэй нэг баг нэмэлтээр оролцуулж болох ба энэ багт нэмэлт шаардлага тавихгүй.

Медаль олгох

E, F ангилал:

• Алтан медалийн болзлыг 1-2 сурагч хангахаар хамгийн цөөн алтан медаль өгнө.
• Алт, мөнгөн медалийн болзлыг 5-8 сурагч хангахаар хамгийн цөөн мөнгөн медаль өгнө.
• Алт, мөнгө, хүрэл медалийн болзлыг 14-18 сурагч хангахаар хамгийн цөөн хүрэл медаль өгнө.
• Дээрх нөхцөлүүдийг бүгдийг хангахаар медаль өгөх боломжгүй бол медалийн хуваарилалтыг хороо шийднэ.

Т ангилал:

• Алтан медалийн болзлыг 1-2 багш хангахаар хамгийн цөөн алтан медаль өгнө.
• Алт, мөнгөн медалийн болзлыг 3-4 багш хангахаар хамгийн цөөн мөнгөн медаль өгнө.
• Алт, мөнгө, хүрэл медалийн болзлыг 6-8 багш хангахаар хамгийн цөөн хүрэл медаль өгнө.
• Дээрх нөхцөлүүдийг бүгдийг хангахаар медаль өгөх боломжгүй бол медалийн хуваарилалтыг хороо шийднэ.

Зохион байгуулагчийн зүгээс нэмэлт шагналыг санаачлах боломжтой.

Бодолт хамгаалах

1. Зохион байгуулагчийн зүгээс өөрөөр заагаагүй бол бодолт хамгаалалтыг хоёр үе шаттай зохион байгуулна.
2. Бодолтын зургийг mmo систем рүү оруулна. Бодолт оруулаагүй тохиолдолд хамгаалалтад орох боломжгүй.
3. Өөрийнхөө урьдчилсан оноог mmo системээс харна.
4. Бодолт хамгаалах хүсэлтийг mmo системээр өгөх ба ямар үндэслэлээр дүгнэх аргачлалын аль хэсгээс хэдэн оноо авах хүсэлтэй байгаагаа тодорхой бичнэ.
5. Засалтын баг хүсэлтийг авч хэлэлцээд mmo системээр хариу өгнө.
6. Дээрх хариуг хүлээн зөвшөөрөхгүй бол багш нь танхимаар хамгаалалт хийнэ.
7. Бодлого хариуцсан засалтын багтай ойлголцолд хүрээгүй тохиолдолд хорооноос томилсон өргөтгөсөн баг асуудлыг авч хэлэлцэх ба энэ багийн шийдвэр эцсийн байна.
8. Шаардлагатай тохиолдолд засалтын баг оролцогчийг дуудан бодолтын талаар тайлбар авч болно.