Монголын Математикийн Олимпиадын Хороо

Ангилал: C, D, E, F, S, T

Хэрхэн оролцох

1. II давааны I шат буюу аймаг/дүүргийн олимпиадыг C, D, E, F, S, T ангиллуудаар зохион байгуулна.
2. Бодлогын багийг хороо томилно. Бусад зохион байгуулалтыг боловсролын асуудал эрхэлсэн орон нутгийн байгууллага тухайн жилийн төсөвтөө тусган санхүүжүүлэн зохион байгуулна.
3. C, D, S ангилалд 1 өдөр × 4 бодлого/өдөр, E, F, T ангилалд 2 өдөр × 3 бодлого/өдөр тавигдана.
4. Энэ шатлалд багш нар болон I даваанаас эрх авсан сурагчид оролцоно. Тухайн дүүрэг эсвэл аймагт I даваа зохион байгуулагдаагүй бол боловсролын асуудал эрхэлсэн орон нутгийн байгууллага оролцох эрхийг шийдвэрлэнэ (жагсаалтаар: аймаг 20 / дүүрэг 50, сургуулиас: аймаг 2 / дүүрэг 3).

Хэрхэн шалгарах (дараагийн шатанд эрх авах)

Ядаж 1 оноо авсан оролцогчдыг ангилал бүрд нийлбэр оноогоор их оноотойгоос бага оноотой руу жагсаан, дараах байдлаар дараагийн шатлалд оролцох эрхийг олгоно. Оноо тэнцсэн тохиолдолд аль цөөнийг сонгоно.

• Хотын эрх, дүүргээс: Сурагчдын ангилал бүрд дүүргүүдийн эхний 20 байрт шалгарсан сурагчид, багш нарын ангилал бүрд дүүргүүдийн эхний 10 байрт шалгарсан багш нар нийслэлийн олимпиадад оролцох эрх авна.
• Хотын эрх, жагсаалтаар: Дүүргүүдэд нийслэлийн олимпиадад сүүлийн жилүүдэд үзүүлсэн амжилтад үндэслэн нэмэлт эрх олгоно (сурагчдад сүүлийн 3 жилд эхний 30 байрт шалгарсны дундаж тоогоор, багш нарт нийт 10 эрхийг мөн аргачлалаар).
• Бүсийн эрх: D, E, F ангилалд аймгуудын эхний 10 байрт шалгарсан сурагчид болон S, Т ангилалд эхний 5 байрт шалгарсан багш нар бүсийн олимпиадад оролцох эрх авна.
• Улсын эрх: E, F, Т ангилалд аймаг, дүүрэг бүрээс тус бүр эхний 2 байрт шалгарсан нийт 6 багш, сурагч улсын олимпиадад оролцох эрх авна. Оноо тэнцсэн оролцогчдыг II давааны II шатны оноогоор жагсаан эрх олгоно.

Шагналын асуудлыг зохион байгуулагч шийдвэрлэнэ.