Монголын Математикийн Олимпиадын Хороо

Ангилал: C, D, E, F

• C ангилалд 5, 6 дугаар ангийн түвшний бодлого тавигдана. 6 болон түүнээс доош ангийн сурагчид оролцож болно.
• D ангилалд 7, 8 дугаар ангийн түвшний бодлого тавигдана. 8 болон түүнээс доош ангийн сурагчид оролцож болно.
• E ангилалд 9, 10 дугаар ангийн түвшний бодлого тавигдана. 10 болон түүнээс доош ангийн сурагчид оролцож болно.
• F ангилалд 11, 12 дугаар ангийн түвшний бодлого тавигдана. Бүх сурагчдад нээлттэй.

Хэрхэн оролцох

1. I даваа буюу сургуулийн олимпиадыг C, D, E, F ангиллуудаар сурагчдын дунд зохион байгуулна. Ангиллын шаардлага хангасан бүх сурагчид нээлттэй.
2. Сургуулийн олимпиад зохион байгуулагдахаас 4 долоо хоногийн өмнө олимпиад зохион байгуулах ажлын хэсгийг сургуулийн захирал томилох ба үйл ажиллагаатай холбоотой төсвийг тухайн жилийн төсөвт суулган санхүүжүүлнэ.
3. Олимпиадад оролцох багш сурагчдын бүртгэлийн асуудлыг ажлын хэсэг хариуцна.
4. Олимпиадыг нөхөх тест хэлбэрээр нэг өдөр зохион байгуулна.
5. Бодлогын багийг хороо томилно. Засалтыг mmo.mn системээр хийнэ.

Хэрхэн шалгарах (дараагийн шатанд эрх авах)

Ядаж 1 оноо авсан сурагчдыг ангилал бүрд нийлбэр оноогоор их оноотойгоос бага оноотой руу жагсаан, дараах байдлаар II давааны I шатанд оролцох эрх олгоно. Оноо тэнцсэн тохиолдолд аль цөөнийг сонгоно.

• Дүүргийн эрх, сургуулиас: Ангилал бүрд сургууль бүрийн эхний 3 сурагч дүүргийн олимпиадад оролцох эрх авна.
• Дүүргийн эрх, жагсаалтаар: Сургуулиудад дүүргийн олимпиадад сүүлийн жилүүдэд үзүүлсэн амжилтад үндэслэн нэмэлт эрх олгоно (сүүлийн 3 жилд эхний 50 байрт шалгарсан сурагчдын дундаж тоогоор).
• Аймгийн эрх, сургуулиас: Ангилал бүрд сургууль бүрийн эхний 2 сурагч аймгийн олимпиадад оролцох эрх авна.
• Аймгийн эрх, жагсаалтаар: Сургуулиудад аймгийн олимпиадад сүүлийн жилүүдэд үзүүлсэн амжилтад үндэслэн нэмэлт эрх олгоно (сүүлийн 3 жилд эхний 20 байрт шалгарсан сурагчдын дундаж тоогоор).

Шагналын асуудлыг ажлын хэсэг шийдвэрлэнэ.