ММО-60, Бэлтгэл даваа, C (5-6) ангилал
1. $2024$ тоо хэдэн натурал хуваагчтай вэ?
Хариу: 16
2. Нийлбэр нь 100-тай тэнцүү хоёр анхны тооны үржвэр хамгийн ихдээ хэдтэй тэнцүү байж болох вэ?
Хариу: 2491
3. Бүх цифрүүдийнх нь үржвэр $16000$-тай тэнцүү байх хамгийн бага натурал тоог ол.
Хариу: 255588
4. $20\%$ чихэр агуулсан хэдэн литр жимсний шүүс дээр $50\%$ чихэр агуулсан 4 литр өтгөн шүүс нэмж хийвэл $30\%$ чихэр агуулсан шүүс үүсэх вэ?
Хариу: 8
5. Хэрэв номын санд нүдний шилтэй 1 сурагч орж ирвэл нийт сурагчдын $\dfrac14$ нь нүдний шилтэй болно. Харин номын сангаас нүдний шилтэй 1 сурагч гарч явбал үлдсэн сурагчдын $\dfrac15$ нь нүдний шилтэй болно. Тэгвэл номын санд хэдэн хүүхэд байгаа вэ?
Хариу: 31
6. Натурал тоонуудыг дараах байдлаар цувуулан бичив.
$1000$ дахь тоо дээрээсээ хэд дэх мөрөнд бичигдэх вэ?
Хариу: 45
7. Нэг өрөөнд байгаа 10 хүнээс энэ өрөөнд хэдэн худалч байна вэ гэж асуухад эхний хүн ядаж нэг худалч, хоёр дахь хүн ядаж хоёр худалч, гурав дахь хүн ядаж гурван худалч гэх мэтчилэн хариулсаар 10 дахь хүн ядаж 10 худалч гэж хариулав. Хэрвээ уг өрөөнд байгаа хүн бүр үргэлж үнэн хариулдаг үнэнч, эсвэл үргэлж худал хэлдэг худалч хүний аль нэг нь байсан бол өрөөнд хэдэн худалч байсан бэ?
Хариу: 5
8. $2023$ тооны цифрүүдийн нийлбэр $7$-той тэнцүү. $2023$-ийг оруулаад нийт хэдэн дөрвөн оронтой тооны цифрүүдийн нийлбэр $7$-той тэнцүү байх вэ?
Хариу: 84
9. Тогтмол хурдтай явж байгаа галт тэрэг 300 метр урт хонгилоор 25 секунд, харин гэрлэн дохионы хажуугаар 5 секундын хугацаанд явж өнгөрөв. Галт тэрэг хэдэн метр урттай вэ?
Хариу: 75
10. Тэгш өнцөгтийг зурагт үзүүлсний дагуу жижиг тэгш өнцөгтүүдэд хуваажээ. 5 жижиг тэгш өнцөгтийн талбай мэдэгдэж байгаа боловч 4-ийнх нь мэдэгдэхгүй байна. Голын тэгш өнцөгтийн талбай хэдтэй тэнцүү вэ? (зураг бодит хэмжээгээр зурагдаагүй.)
Хариу: 18