Монголын Математикийн XXXVI Олимпиадын дүнгийн тухай илтгэл
Ц. Дашдорж
Хүндэт математикчид аа!
Сэлэнгэ аймгийн засаг дарга ноён Л.Алтангэрэл ээ!
Эрдэм ухаанд гүн шүтлэгтэй Сэлэнгэгчүүд ээ!
Сэлэнгэ аймгийн уугуул, Монгол улсын ардын багш, ММБА-ийн академич, профессор Л.Шагдарын нэрэмжит Монголын Математикийн XXXVI Олимпиад 2000 оны 05 сарын 01–05-ны өдрүүдэд Сэлэнгэ аймгийн Сүхбаатар хотод амжилттай явагдаж дүнгээ гаргаж байна.
Энэ удаагийн олимпиадад 21 аймаг, Улаанбаатар хотын 2 багийн бага дунд ангийн 85 багш, 206 сурагч оролцож, нийт 291 хүн оюун ухаанаа сорин уралдлаа. Энэхүү олимпиадыг зохион байгуулахад санаачилга гарган чармайлт гаргаж бүх нөхцөл бололцоогоор хангаж өгсөн Сэлэнгэ аймгийн Засаг дарга Л.Алтангэрэл, Нийгмийн бодлогын хэлтсийн дарга М.Оюунтуяа, Олимпиадыг зохион байгуулах Сэлэнгэ аймгийн салбар комиссын гишүүд, Олимпиадын зохион байгуулахад нөхцөл бололцоогоор дэмжиж ажилласан Д.Энхжаргал захиралтай 10 жилийн 1-р сургууль, Чойжил захиралтай Сүхбаатарын 2-р сургууль, Дондог захиралтай 10 жилийн 3-р сургууль, Цэдэв захиралтай 10 жилийн 4-р сургууль, Батсүх, Баасанчулууун захиралтай 5,6,8 жилийн сургууль, Сарантуяа, Цэрмаа, Амарсанаа, Баяржаргал, Хишигсүрэн эрхлэгчтэй Сүхбаатар сумын 1, 36, 3, 4, 7-р цэцэрлэг, Д.Загдтогоо захиралтай Боловсрол Соёлын төвийн хамт олон болон Сэлэнгэ аймгийн бүх хөдөлмөрчдөд Монголын нийт математикчдын нэрийн өмнөөс талархал илэрхийлье. Мөн олимпиадад өрсдийн хувь хандивыг оруулсан Холбооны газар, НААҮТ, ХХНҮ зэрэг аж ахуйн нэгж түүнчлэн иргэдэд талархал илэрхийлье.
Олимпиадад 8-р ангийн 98 сурагч оролцсоноос
– 20 оноогоор Улаанбаатар хотын 1-р дунд сургуулийн сурагч П.Оргил түрүүлж алт медаль,
– 9 оноогоор Орхоны багийн сурагч А.Тэмүүлэн, 8 оноогоор Орхон аймгийн Э.Түвшинтөгс нар мөнгөн медаль,
– 6 оноогоор УБ 1-р сургуулийн Бэлгүтэй, 6 оноогоор Увс аймгийн Э.Энхмөнх, 5.5 оноогоор 1-р сургуулийн П.Эрдэнэбилэг нар хүрэл медаль;
9-р ангиас 53 сурагч оролцсоноос
– 16 оноогоор УБ 1-р сургуулийн Т.Баасанжав тэргүүн байр эзэлж алтан медаль,
– 14 оноогоор УБ 1-р сургуулийн Э.Уянга, Б.Эрдэнэтуяа нар мөнгөн медаль,
– 11 оноогоор Олонлог багийн Ө.Наранбилэг, 10.5 оноогоор УБ 32-р сургуулийн Ням-Эрдэнэ, 10 оноогоор Увс аймгийн Ш.Буянжаргал нар хүрэл медаль;
10-р ангийн 55 сурагч оролцсоноос
– 18 оноогоор УБ 11-р сургуулийн Б.Амарсанаа тэргүүлж алтан медаль,
– 14 оноогоор Хэнтий аймгийн Т.Даваажав, 13 оноогоор Увс аймгийн Ж.Хосбаяр нар мөнгөн медаль,
– 12 оноогоор Баян-Өлгий аймгийн М.Жанарбек, 10.5 оноогоор УБ 11-р сургуулийн Э.Цэрэннадмид, 10 оноогоор УБ 1-р сургуулийн Х.Зоригт нар хүрэл медаль;
Бага ангийн 35 багш оролцсоноос
– 29 оноогоор УБ Сант хувийн сургуулийн Б.Батчимэг тэргүүлж алтан медаль,
– 22 оноогоор Дундговь аймгийн М.Отгонжаргал удаалж мөнгөн медаль,
– 21 оноогоор Увс аймгийн Ж.Энхцэцэг хүрэл медаль;
Дунд ангийн математикийн 50 багш оролцсоноос
– 18 оноогоор Дархан хотын багш Н.Даваий-Од тэргүүлж алтан медаль,
– 13.5 оноогоор Ойнбулаг дунд сургуулийн багш Д.Самданцэрэнлэй удаалж мөнгөн медаль,
– 11.5 оноогоор УБ 1-р сургуулийн багш Д.Бат-Орших, Сэлэнгэ аймгийн багш Ч.Болд нар хүрэл медаль хүртэж Монголын Математикийн XXXVI Олимпиадын медальтнуудаар тодорлоо. Улсын математикийн XXXVI олимпиадад амжилттай оролцсон дээрх нэр бүхий багш, сурагчдад амжилттай сайн бэлтгэсэн багш нар болон бага ангийн амжилттай сайн зохион байгуулж оролцуулсан багийн ахлагч нарт олимпиадад зохион байгуулах хорооны нэрийн өмнөөс чин сэтгэлийн талархал илэрхийлье.
Авьяаслаг математикч агсан П.Энхбодлын нэрэмжит уран бодолтын тусгай шагналыг математикийн гоо сайхныг харуулж онцгой уран бодолт хийсэн УБ хотын 11-р сургуулийн 8-р ангийн сурагч А.Тэмүүлэн, Дархан хотын багш Н.Даавий-Одод
олголоо. Мөн энэхүү XXXVI олимпиадад үнэмлэхүй аваргын шагналыг нийт олимпиадад оролцогч 291 хүний дунд 29 оноогоор тэргүүлсэн УБ хотын Сант бага сургуулийн Б.Батчимэгт олгож байна.
Ийнхүү 23 баг хүч оюунаа сорьсоноос
– Б.Цолмонхүү ахлагчтай Увс баг 11.6 онооны дундаж үзүүлэлтээр тэргүүн байр,
– Ч.Болд ахлагчтай Сэлэнгэ баг 8.2 онооны дундаж үзүүлэлтээр II байр,
– Ч.Даваадорж ахлагчтай УБ баг 8.05 онооны дундаж үзүүлэлтээр III байр тус тус эзэллээ.
Монголын Математикийн XXXVI олимпиад ийнхүү амжилттай явагдаж өндөрлөлөө. Манай энэхүү олимпиадыг явуулахад бүх талын бололцоогоо нөхцөлөөр хангаж өгсөн Сэлэнгэчүүдэд Монголын нийт математикчдын нэрийн өмнөөс гүн талархал илэрхийлье.
Монголын математикчид бидэнд Хувьсгалын өлгий нутгийг үзүүлэх завшааныг олгосон Сэлэнгэ аймгийн Засаг дарга Л.Алтангэрэл, ИХТ-ийн дарга Б.Лувсандагва, та бүхэнд Монголын нийт математикчдын нэрийн өмнөөс математикч ёсны халуун баяр хүргэж та бүхэнд болон танай аймгийн бүтээлч ард түмэнд сайн сайхны дээдийг хүсэн ерөөе.
Энэ жилийн 7-р сард Солонгос улсын Таежон хотноо болох ОУМО-ын бэлтгэлд:
– УБ 1-р сургуулийн 9-р ангийн сурагч Т.Баасанжав,
– УБ 11-р сургуулийн сурагч Б.Амарсанаа,
– Хэнтий аймгийн Даваажав,
– Увсын Ж.Хосбаяр,
– Баян-Өлгийн М.Жанарбек,
– УБ 11-р сургуулийн Э.Цэрэннадмид,
– УБ 1-р сургуулийн Х.Зоригт
нарын илтгэх нь зүйтэй гэж Монголын Математикийн Олимпиадыг Зохион Байгуулах Хорооноос шийдвэрлэлээ. Олон улсын математикийн 41-р олимпиадын бэлтгэлд багтаж шалгарсан та бүхэндээ амжилт хүсч, Монголынхоо нэрийг дэлхийн тавцанд дуурсгах хүндтэй бөгөөд хариуцлагатай үйл хэргийн төлөө идэвх чармайлт гарган сайн бэлтгэж амжилттай оролцохыг Монголынхоо нийт математикчдын өмнөөс даалгаж байна.
Эрдэм оюун дэлгэрч Монголд математикчдын оюун ухаан улам хөгжин бадарч болтугай.
Анхаарал тавьсан та бүхэнд баярлалаа.
Сүүлийн засвар: , Нийтэлсэн: 2025-06-11