1. Гүйлтийн тойрог зам дээр Аагий, Баагий, Даагий гурав тус бүрдээ тогтмол хурдтайгаар гүйж байв. Аагий, Баагий хоёр ижил чиглэлд, харин Даагий тэдний эсрэг чиглэлд гүйжээ. Аагий Баагийг 120 секунд тутамд гүйцдэг, Аагий Даагийтай 30 секунд тутамд зөрдөг байв. Тэгвэл Баагий, Даагий хоёр хэдэн секунд тутамд зөрөх вэ?

2. Чимгээ дөрвөлжин шугамтай дэвтрээс $8\times 10$ хэмжээтэй тэгш өнцөгт хайчилж аваад бүх нүдийг ялгаатай өнгөөр буджээ. Уг тэгш өнцөгтийг шугамын дагуу, 3 тэгш өнцөгт болгон хуваав. Хэчнээн ялгаатай аргаар хувааж болох вэ?

3. 30, 32, 33, 37, 39, 41, 44, 47, 48, 50 гр жинтэй 10 ширхэг чулуу байв. Бат эдгээрээс хэсэг чулуу, Дорж үлдсэн чулуунаас хэсэг чулуу аваад нэг чулуу үлдээв. Батын авсан чулууны нийт жин, Доржийн чулууны нийт жингийн $\dfrac{9}{11}$-тэй тэнцүү байсан бол үлдсэн нэг чулуу ямар жинтэй вэ? Энэ тохиолдолд Бат заавал 47 гр жинтэй чулууг авсан байх албатай юу?

4. Хоёр оронтой 2 тооны үржвэрийн цифрүүдийн нийлбэр хамгийн ихдээ хэд байж болох вэ? Жишээлбэл $35$, $50$ тоонуудын үржвэр $35\times 50=1750$, үржвэрийн цифрүүдийн нийлбэр $1+7+5+0=13$ байна.